Ju njoftojmë se nesër, më datë 02.05.2025 (e premte), kryetari i Qeverisë së Republikës së Maqedonisë së Veriut, Hristijan Mickoski, do të vizitojë Komunën e Kavadarit dhe do të inspektojë aktivitetet ndërtimore në disa projekte.
Në orën 12:00 – inspektim i aktiviteteve ndërtimore në rrethrrotullimin duke mos përfshirë rrugën rajonale Rosoman–Kavadar. Ndërtim i rrethrrotullimit me sipërfaqe prej 2.700m² në R1107 duke mos përfshirë hyrjen e Komunës së Kavadarit. Investim përmes kredisë hungareze dhe grant nga Qeveria. Investim prej 11.300.000 den. me TVSH.
Në orën 12:20 – Vënia në përdorim e rrugës “8 Shtatori” e rikonstruktuar dhe asfaltuar plotësisht në gjatësi prej 2500m². Rikonstruksioni i rrugës “8 Shtatori” në sipërfaqe prej 2.500m² përfshin ndërrimin e bordurave, ndërrimin e elementeve të bekatonit në trotuar, heqjen e asfaltit të vjetër dhe asfaltimin e plotë në dy shtresa. Investim nga kredia hungareze në vlerë prej 9.107.498 den. me TVSH.
Në orën 12:45 – Hapja solemne e sallës sportive në fshatin Sopot me sipërfaqe prej 400m². Ndërtimi i sallës sportive në fshatin Sopot, e cila ka sipërfaqe të dobishme prej 500m². Investim i Komunës së Kavadarit në vlerë prej 22.000.000 denarë. Në objektin që është në kuadër të shkollës fillore ndodhen zhveshtore, tualete dhe një dhomë për mësuesit. Investim i Komunës së Kavadarit prej 22.000.000 den.
Në orën 13:10 – Hapja solemne e Qendrës Rajonale për Strehimin e Kafshëve Endacake dhe Shëndetësinë Veterinare e vendosur në Komunën e Kavadarit, e cila është e destinuar për të gjitha nëntë komunat e rajonit planor të Vardarit. Me këtë projekt, përmes trajtimit të kafshëve endacake nga shërbimet profesionale të stacionit, do të arrihen disa qëllime strategjike në nivel rajonal, si rritja e sigurisë në rajon dhe zvogëlimi i dëmeve të shkaktuara nga kafshët endacake, por mbi të gjitha, strehimi dhe kujdesi për to. E njëjta ndodhet në lagjen Glishiq me sipërfaqe prej 5470m². Kjo qendër për strehimin e kafshëve endacake dhe shëndetësinë veterinare në rajonin planor të Vardarit ka të bëjë me trajtimin human të kafshëve me ndikim të drejtpërdrejtë në shëndetin dhe sigurinë e njerëzve. Projekti është i financuar nga Ministria e Vetëqeverisjes Lokale dhe Ambasada Zvicerane, me vlerë totale prej 21.000.000 denarë dhe bashkëfinancim nga Komuna e Kavadarit.
Në orën 13:40 – Inspektim i aktiviteteve ndërtimore në ujësjellësin e Moklishtit (vendi Moklisht), projekt përmes Ministrisë së Mjedisit Jetësor. Ndërtimi i rrjetit të ujësjellësit dhe kanalizimit dhe rikonstruksioni i kaptazheve në vendin Moklisht. Këto kaptazhe ekzistojnë që nga vitet ’50, por janë të rrënuara për shkak të mospërkujdesit, prandaj tani po bëhet rikonstruksioni i tyre, ku uji dërgohet me tuba në një rezervuar prej 150 m³. Nga rezervuari uji shpërndahet te të gjithë banorët që gravitojnë në këtë pjesë të qytetit. Realizimi përfshin ujësjellës dhe kanalizim prej 6,5 km. Investim në vlerë prej 50.000.000 den, prej të cilëve 34.540.000 den nga Ministria e Mjedisit Jetësor dhe 15.679.000 den nga Komuna e Kavadarit.
Është paraparë që deklaratë për mediat të japë kryetari i Qeverisë Mickoski në orën 13:10, kur do të hapet solemnisht Qendra Rajonale për Strehimin e Kafshëve Endacake dhe Shëndetësinë Veterinare.
