Në zemër të Davosit në Zvicër, aty ku çdo vit mblidhen liderët globalë për të diskutuar sfidat dhe të ardhmen e botës, Shtëpia e Kosovës do të shfaqet sërish si një platformë unike për të prezantuar potencialin ekonomik, kulturor dhe diplomatik të vendit tonë.
Qeveria e Republikës së Kosovës ka filluar përgatitjen shtëpinë zyrtare “House of Kosova” në Davos, e cila, njësoj si vitin e kaluar, do të shërbejë si hapësirë ku vizitorët do të kenë mundësi ta përjetojnë vendin tonë në të gjitha dimensionet e tij: njerëzit, potencialin ekonomik, artin dhe trashëgiminë kulturore, si dhe gastronominë e pasur, shkruan albinfo.ch.
Gjatë datave 21–23 janar 2026, House of Kosova do të jetë mikpritëse e paneleve dhe diskutimeve të tipit fireside chat mbi tema kyçe si energjia, inteligjenca artificiale, digjitalizimi, gjeopolitika dhe ndikimi i tyre ekonomik, së bashku me mundësitë që këto fusha ofrojnë për Kosovën dhe rajonin.
