Sot në komunë është zhvilluar një takim mjaft konstruktiv mes Rita Sinani Halimit dhe Kryetarit të Komunës, z. Daut Beqiri, ku në qendër të bisedës kanë qenë projektet e radhës që pritet të transformojnë shërbimet për qytetarët.
Gjatë takimit u theksua rëndësia e transparencës dhe komunikimit të drejtpërdrejtë me banorët, ndaj u njoftua një hap i ri i rëndësishëm: nga e premtja e ardhshme, çdo të premte, nga ora 13:30 deri në 15:30, Zyra e Komunës do të jetë e hapur për të pranuar qytetarët, idetë, ankesat dhe propozimet e tyre.
“Ftojmë të gjithë banorët të na vizitojnë. Vetëm së bashku mund të ndërtojmë një komunë më të mirë” – theksoi Sinani Halimi pas takimit.
