Kryetari i bashkisë së Kievit, kryeqytetit të Ukrainës, Vitali Klitschko, u ka këshilluar banorëve të kryeqytetit ukrainas të largohen përkohësisht nga qyteti.
Rreth 6,000 blloqe apartamentesh, afërsisht gjysma e ndërtesave shumëfamiljare të Kievit, aktualisht nuk mund të ngrohen, shkrouan Klitschko në Telegram, transmeton albinfo.ch. Sulmi rus të premten në mbrëmje ishte më shkatërruesi për infrastrukturën e kryeqytetit që nga fillimi i luftës, shkruan srf.ch duke ju referuar mediave ndërkombëtare.
Dimri i ashpër po e përkeqëson situatën.
Ngrohja pritet të rifillojë për disa nga blloqet e apartamenteve duke filluar nga e premtja në mbrëmje.
Kushdo që mund të gjejë energji dhe ngrohje diku tjetër duhet të largohet përkohësisht nga kryeqyteti, shkroi Klitschko.
Ky nuk ishte një urdhër zyrtar evakuimi, por më tepër një këshillë për banorët e Kievit që të shkojnë në vilat e tyre me dru ose të qëndrojnë me të afërmit dhe miqtë në zonat më pak të prekura.
Kushdo që i është rikthyer energjia elektrike, uji dhe ngrohja në apartament duhet të ftojë fqinjët e tij të ngrohen, tha kryetari i bashkisë. Ngrohja në disa blloqe apartamentesh pritet të rifillojë të premten në mbrëmje.
Klitschko tha se situata në Kiev është e vështirë, por nën kontroll.
