Kryetari i Komunës së Çairit, Izet Mexhiti, ka reaguar me dhimbje pas lajmit të ndarjes nga jeta të këngëtarit të njohur, Shpat Kasapi. Ai theksoi se ikja e papritur e artistit ka lënë një boshllëk të madh te familja, miqtë dhe të gjithë ata që e kanë vlerësuar muzikën dhe praninë e tij në skenë.
Mexhiti u shpreh se Shpati la pas një trashëgimi të çmuar artistike, këngë dhe kujtime që do të jetojnë gjatë në zemrat e publikut. “Muzika e tij është një vlerë që nuk shuhet,” theksoi ai.
Në këtë ditë të rëndë, kryetari Mexhiti u shpreh ngushëllimet më të sinqerta familjes Kasapi, të afërmve dhe mbarë komunitetit artistik.
Qoftë i përjetshëm kujtimi i tij. U prehtë në paqe.
