Në prani të Ministrit të Brendshëm, Pançe Toshkovski, Kryetarit të Zhelinës, Blerim Sejdiu, deputetëve Kaltrina Beqiri dhe Adnan Azizi, si dhe kryeshefit të policisë së Tetovës, Rijat Ali, u hap pika në Grupçin për nxjerrjen e dokumenteve personale.
Kreu i Lëvizjes BESA dhe njëherit kryetari i Tetovës, Bilall Kasami tha se ky është një premtim që është dhënë shumë herë nga qeveritë e kaluara, ndërsa sot, VLEN po e bënë realitet.
Sipas Kasamit kjo qeveri është e përkushtuar për të punuar për qytetarët e saj dhe për të përmbushur nevojat e tyre.
“Në Grupçin hapet pika për nxjerrjen e dokumenteve personale për banorët e komunës së Zhelinës! Shumë herë u premtua nga qeverisjet e kaluara ndërsa ne sot po e bëjmë realitet, sepse kjo Qeveri është e përkushtuar në punë dhe për qytetarët e saj”, tha Kasami.
