“Dita e Nënës” – mbahet çdo vit, në të dielën e dytë të muajit maj, ndërsa kjo festë shpesh shoqërohet me buqeta lulesh dhe mëngjes në shtrat, e edhe me dhurata të tjera.

Por, motivet moderne të një feste të shëndetshme janë një koncept relativisht i ri.

Krijuesja e festës, Anna Jarvis, u përpoq të shfuqizonte festën që ajo krijoi, e vendosur fillimisht për t’iu kushtuar dashurisë dhe vlerësimit të nënave, pasi u kthye në një furi kapitaliste, ku biznese të caktuara fitonin të ardhura marramendëse nga kremtimi i kësaj dite.

Ideja i Jarvis për të shpikur “Ditën e Nënës”, buroi nga dëshira për t’i bërë homazhe nënës së saj të ndjerë, Ann Reeves Jarvis.

Anna kur ishte një vajzë e re, duke dëgjuar nënën e saj shpesh duke përsëritur një lutje të thjeshtë: “Shpresoj dhe lutem që dikush, disa kohë, të gjejë një ditë nëne specifike që e përkujton atë për shërbimin e pakrahasueshëm që i bën njerëzimit në çdo fushë të jetës”, thoshte Ann Reeves.

“Ideja e festës ndryshoi konceptin, duke e vënë në pozitë të pa lakmueshme, zonjën Jarvis,” thotë Katharine Antolini, asistent profesore në Wesleyan dhe autore e librit “Memorializing Motherhood: Anna Jarvis and the Struggle for Control of Mother’s Day”, shkruan Teen Vogue, transmeton Albanian Post.

Anna vendosi që festa të festohej të dielën e dytë të muajit maj sepse ishte data më e afërt me përvjetorin e vdekjes së nënës së saj, e cila ndërroi jetë në vitin 1905, shpjegon Antolini.

Vëzhgimi i parë zyrtar i “Ditës së Nënës” u zhvillua në mëngjesin e 10 majit të vitit 1908, në “Andrews Methodist Episcopal Churc”, në Graton të West Virginias, ku rreth 400 njerëz u paraqitën për të nderuar nënat dhe jetën e tyre.

Në të njëjtën ditë, 15,000 njerëz të tjerë do të merrnin pjesë në “Ditën e parë të Nënës” edhe në Filadelfia.

Vitin tjetër, numri i festuesve u rrit, ndërsa komunitetet në të gjithë vendin pritën shërbimet e “Ditës së Nënës”.

“Ishte e qartë për (Anën) që bijtë dhe bijat e vendit kishin një ‘uri’ nëne në zemrat e tyre dhe dëshironin një ditë të tillë dedikuese me plot dhurata. Prandaj, ajo vendosi t’i kushtojë jetën e saj përjetësimit të festës”, thotë Antolili.