Drejtori i “Elem Turs”, Gani Aliji, ka reaguar ashpër ndaj deklaratave të Bajram Rexhepit lidhur me qendrën turistike Kodra e Diellit, duke i quajtur manipulime politike.
Ai theksoi se komuna e Tetovës nuk ka kompetencë mbi këtë qendër, ndërsa akuzoi ish-drejtorët dhe bashkëpunëtorët e Rexhepit për keqmenaxhim dhe borxhe milionëshe.
“Hotelet u lanë në mëshirë të fatit, 23 punëtorë u larguan për interesa politike, dhe ndaj ish-udhëheqësve ka padi konkrete për keqpërdorime”, deklaroi Aliji.
Ai përmendi gjithashtu se rruga Lisec–Kodra e Diellit u nis nga kryetari Bilall Kasami, duke përfunduar: “Ka kush i del zot Kodrës së Diellit me punë, jo me propagandë.”
