Forcat Mbrojtëse të Izraelit (IDF) ka njoftuar se, paralelisht me veprimet ajrore në kuadër të Operacionit “Roaring Lion”, trupat izraelite po operojnë në jug të Libanit, duke u pozicionuar në disa pika pranë zonës kufitare për mbrojtje të përforcuar.
Sipas deklaratës zyrtare, lëvizja synon krijimin e një shtrese shtesë sigurie për banorët e veriut të Izraelit, mes frikës për përshkallëzim të mëtejshëm të konfliktit.
IDF thekson se po kryen sulme të targetuara ndaj infrastrukturës që i përket Hezbollahu, me qëllim eliminimin e kërcënimeve dhe parandalimin e tentativave për infiltrime në territorin izraelit.
Në deklaratë thuhet se Hezbollahu “zgjodhi të sulmojë Izraelin në emër të regjimit iranian” dhe se do të përballet me pasojat e veprimeve të tij.
Ushtria izraelite thekson se nuk do të lejojë asnjë dëm ndaj civilëve izraelitë dhe se do të vazhdojë të veprojë për mbrojtjen e shtetit dhe qytetarëve të tij.
Zhvillimet në terren sinjalizojnë një zgjerim të operacioneve ushtarake në kufirin Izrael-Liban, duke rritur shqetësimet për një përballje më të gjerë rajonale.
