Shkruan: Fatmir Limani
Në lojën e tyre, këta aktorë valëvisin flamuj kombëtarë, të cilët vetë i kanë shkelur rregullisht për interesa private e partiake, madje edhe në këto zgjedhje.
Shikoni se çfarë bëjnë: kërkojnë dhe bëjnë kompromise me parti antishqiptare (majtiste), të cilat mbajnë qëndrime kundër gjuhës, flamurit, gjenezës dhe historisë sonë, vetëm për të mbijetuar me çdo kusht në skenën politike.
Por në të gjithë këtë situatë duhet kuptuar një gjë: kushdo që bën kompromise kaq të pamoralshme, nuk ka të drejtë të akuzojë të tjerët.
E përsëris edhe për ta: nuk mund të mbështjellësh me flamur shkelësin e moralit në zyra, për të përfituar në pazare politike.
Jam i vetëdijshëm se çdo qëndrim, fjalë apo veprim ka koston e vet, dhe se integriteti është çmimi më i lartë që njeriu mund të paguajë, por edhe nderi më i madh që mund të fitojë.
Prandaj, ftoj të gjithë qytetarët të veprojnë me ndërgjegje atdhetare, në këtë periudhë vendimtare për ruajtjen e vlerave familjare (moralo-familjare) dhe kombëtare.
Le të forcojmë së bashku themelet e një shoqërie që respekton punën, dinjitetin dhe mbi të gjitha moralin.
Asnjëherë s’do të pranoj të luaj rolin e “krushkut” në një martesë ku dhëndërri nuk guxon të shfaqet në odën e burrave për të dhënë fjalën dhe besën e kurorës së dinjitetshme. Dasma pa dhëndërr është lojë dordolecash, që përfundon si në një ditë me diell të fortë.
RIPËRSËRIS !
Le të dalë propozuesi i antivlerës, të kërkojë falje dhe njëkohësisht mbështetje për kandidatin e zhdukur nga arena e asaj që quhet ballafaqim me moralin, por gjithnjë duke pasur parasysh se rruga e së ardhmes së moralshme duhet të shihet qartë !
*Ps: Besa e dhënë VLEN, për Burra të kuvendit
