Fatlume Ferati Asani, tregoi në emisionin Expansion se gjithçka nisi nga një dëshirë e sinqertë për të ndihmuar të tjerët.
“Që në fëmijëri e kam ditur se do t’i përkushtohesha mjekësisë, sepse gjithmonë e kam ndier sa profesion human dhe i vlefshëm është ai,” u shpreh ajo.
Por pas çdo gruaje të fortë, qëndron një familje e fortë. Fatlumja nuk i fsheh emocionet kur flet për ta:
“Mbështetja ime më e madhe kanë qenë prindërit e mi të mrekullueshëm dhe dy vëllezërit e mi të shtrenjtë. Sot e kësaj dite janë forca ime më e madhe. Pa ta, nuk e di a do të isha këtu ku jam sot,” tha ajo me mirënjohje të thellë.
