Deputeti i LSDM-së Fatmir Bytyqi ka konfirmuar se ka denoncuar vjedhje në shtëpinë e tij.
“Po… Nuk do flisja për detaje”, është përgjigjur Bytyqi për ORA24.TV.
Siç mëson ORA24.TV mëngjesin e sotëm, rreth orës 03.20 minuta, ka ndodhur një vjedhje e rëndë në shtëpinë e deputetit të LSDM-së dhe ish/zv/kryeministër, Fatmir Bytyqi.
Nga burime të ORA24.TV mësohet se është vjedhur një sef metalik në të cilin thuhet se ka pasur gjësende ari dhe orë në vlerë prej 3.100.000 denarë.
Po ashtu, është vjedhur edhe një kuvertë, ku mendohet se ka pasur dokumente me informacione të klasifikuara/ORA24.TV
