Shkup, 12 shtator – Futbolli në Maqedoninë e Veriut po fiton një yll të ri. Ai është vetëm 8 vjeç, quhet Efecan Sait, por tashmë po bën hapat e parë drejt skenës së madhe ndërkombëtare.
Lojtari i vogël i klubit “Karev FK” nga Shkupi, sot do të zbresë në fushë në turneun prestigjioz “Ilinden Cup 2025”, aty ku përballen akademi të njohura evropiane dhe talente që nesër mund të bëhen yje të futbollit botëror.
Edhe pse në moshë të hershme, Efecan ka spikatur me inteligjencën në lojë, teknikën dhe kontrollin e topit, duke fituar vlerësime nga trajnerët dhe tifozët. Përkushtimi i tij në stërvitje, energjia dhe mbështetja e pakushtëzuar e familjes, janë garanci se ky emër do të dëgjohet gjatë në të ardhmen.
“Ilinden Cup 2025” i hap dyert jo vetëm për përvojën ndërkombëtare, por edhe për ëndrrat e mëdha. Dhe mes dhjetëra skuadrave nga Ballkani, Turqia e Evropa, syri është te Efecan Sait, i cili me lojën e tij po fiton zemrat e shumëkujt.
