Drejtoresha e Shërbimit Informativ të Shtetit (ShISh) të Shqipërisë, Vlora Hyseni, është takuar në Jerusalem me kryeministrin e Izraelit, Benjamin Netanyahu.
Hyseni ishte pjesë e delegacionit të Shqipërisë, që po drejtohet nga kryeministri Edi Rama.
Netanyahu dhe Rama mbajtën të hënën një konferencë të përbashkët për gazetarë, ndërsa kryeministri shqiptar mbajti fjalim edhe në Kuvendin e Izraelit, i cili njihet edhe me emrin Knesset.
Vizita e Ramës në Izrael nisi të dielën e 25 janarit dhe pritet të përfundojë të martën, më 27 janar.
Vlora Hyseni ishte shkarkuar nga pozita e zëvendësdrejtoreshës së Agjencisë Kosovare të Inteligjencës në qershorin e vitit 2021.
