Ministri i Transportit dhe Lidhjeve, Blagoj Boçvarski, ka zhvilluar një takim dypalësh me Filip Raduloviq, ministër i Trafikut dhe Navigacionit të Malit të Zi.
Dy ministrat konfirmuan bashkëpunimin e mirë ndërmjet Maqedonisë së Veriut dhe Malit të Zi dhe theksuan rëndësinë e përpjekjeve të përbashkëta për integrim më të shpejtë evropian të rajonit.
Të dy diskutuan edhe për projektet e infrastrukturës që po zbatohen në korridoret evropiane dhe mundësinë e lidhjes me një linjë ajrore.
“Kemi shkëmbyer përvoja për proceset e përmirësimit të transportit në rajon, dhe veçanërisht për thellimin e bashkëpunimit të ndërsjellë, më konkretisht në fushën e turizmit dhe transportit të udhëtarëve. Ne hapëm temën e një lidhjeje të mundshme të dy vendeve. Diskutuam edhe për projektet e infrastrukturës në rrjetin rrugor, sepse në këtë periudhë edhe Maqedonia e Veriut edhe Mali i Zi janë jashtëzakonisht të përkushtuar për modernizimin e infrastrukturës rrugore dhe përmirësimin e kushteve të udhëtimit për qytetarët tanë”, tha Boçvarski.
