Pas viteve të ngecjes, autostrada Kërçovë–Ohër po afrohet çdo ditë e më shumë drejt përfundimit. Sot, Zëvendësministrja e Transportit, Kaltrina Zekolli, njoftoi për Ora24.tv se segmenti prej 17 kilometrash nga Klimishtë drejt Ohrit është lëshuar në përdorim, duke shënuar një hap të madh përpara në realizimin e këtij projekti strategjik.
Ky projekt pritet të hapë rrugën e zhvillimit ekonomik, të përmirësojë lidhjet rajonale dhe të krijojë perspektiva të reja për qytetarët, duke e bërë udhëtimin mes Kërçovës dhe Ohrit më të shpejtë dhe më të sigurt.
Zekolli theksoi për Ora24.tv rëndësinë e këtij projekti për infrastrukturën dhe zhvillimin e vendit, duke siguruar se punimet në pjesën tjetër të autostradës do të vazhdojnë me ritme të shpejta deri në përfundim.
