Gjatë ceremonisë së ndarjes së yjeve në Hollywood Walk of Fame më 18 shtator, Arnold Schwarzenegger bëri një koment me humor për ish-bashkëshorten e tij, Maria Shriver, ndërsa nderonte gazetarin Chris Wallace.
Aktori dhe ish-guvernatori 78-vjeçar e cilësoi Wallace-in, 77 vjeç, si një “gazetar i jashtëzakonshëm”, duke shtuar: “Kam përvojë të madhe me gazetarët – kam dhënë mijëra intervista gjatë jetës sime. Por jo vetëm kaq, kam qenë i martuar edhe me një gazetare.”
Me një dozë humori, Schwarzenegger shtoi: “Dallimi i vetëm mes Chris dhe Maria-s është që Chris nuk më mori gjysmën e pasurisë sime,” duke shkaktuar të qeshura nga të pranishmit.
