Koalicioni ushtarak i udhëhequr nga Arabia Saudite ka ndërmarrë sulme ajrore ndaj objekteve të naftës në afërsi të kryeqytetit jemenas, Sana. Sulmet pasuan paralajmërimin e autoriteteve saudite, të cilat u kërkuan civilëve të largohen menjëherë nga zona e synuar.
Lëvizja Huthi, e cila kontrollon kryeqytetin jemenas, ka kërcënuar me kundërpërgjigje të ashpër ndaj Riadit. Zëdhënësi ushtarak i saj, Jahja Sari, u ka bërë thirrje qytetarëve dhe punonjësve në Arabinë Saudite të largohen nga objektet e kompanisë shtetërore të naftës Aramco dhe nga disa aeroporte, duke paralajmëruar se ato mund të bëhen objektiva të sulmeve.
Zhvillimet e fundit kanë shtuar shqetësimet për një përshkallëzim të mëtejshëm të konfliktit në rajon dhe për sigurinë e infrastrukturës energjetike.
