Pas katër netësh radhazi koncertesh spektakolare në Prishtinë, artisti i njohur shqiptar Alban Skënderaj është pritur sot në një takim të veçantë nga kryeministri i Kosovës, Albin Kurti.
Takimi vjen si një vlerësim për suksesin e jashtëzakonshëm të këngëtarit, i cili me performancat e tij në kryeqytet mblodhi mijëra adhurues dhe krijoi një atmosferë magjike që u komentua gjerësisht në rrjetet sociale.
Kryeministri Kurti e ka përgëzuar Skënderajn për kontributin e tij në art dhe kulturë, si dhe për ndikimin pozitiv që sjell tek publiku i të gjitha moshave. Nga ana e tij, Alban Skënderaj është shprehur i nderuar për pritjen dhe ka falënderuar publikun kosovar për mbështetjen e jashtëzakonshme.
Ky takim shënon një tjetër moment të rëndësishëm në karrierën e artistit, pas një serie eventesh që edhe një herë dëshmuan pse ai mbetet ndër emrat më të dashur në skenën muzikore shqiptare.
