Qeveria e ka dorëzuar sot zyrtarisht në Kuvend propozimin për emërimin e zëvendësministrit të ri të Mbrojtjes.
Sipas dokumentit të dorëzuar, Admir Shabani është propozuar për të marrë detyrën e zëvendësministrit në Ministrinë e Mbrojtjes, duke u bërë pjesë e strukturës drejtuese të Armatës së Republikës së Maqedonisë së Veriut. Propozimi tashmë ka hyrë në procedurë parlamentare dhe pritet të votohet nga deputetët në seancën e ardhshme parlamentar.
Nga Qeveria bëjnë të ditur se ky propozim është në përputhje me procedurat ligjore dhe me nevojat për funksionim të rregullt të Ministrisë së Mbrojtjes, veçanërisht në një periudhë kur sektori i sigurisë dhe mbrojtjes mbetet prioritet strategjik për vendin, sidomos në kuadër të angazhimeve ndërkombëtare dhe bashkëpunimit me partnerët e NATO-s.
Emërimi i zëvendësministrit kërkon mbështetjen e shumicës parlamentare. Pas votimit në Kuvend, Shabani pritet të marrë zyrtarisht detyrën dhe të nisë ushtrimin e funksionit të ri në kuadër të Ministrisë së Mbrojtjes.
Admir Shabani ka përvojë të gjatë profesionale në administratën e shtetit, në udhëheqje të disa sektorëve. Ai njihet edhe si uëdhënës i KSHZ-së dhe për qadjen e tij tepër korrekte dhe profesionale me mediat dhe opinionin.
