Çun Lajçi
Zotin i madh, sa shumë m’ka hyr droja!
– Duke ndjekur tubimet elektorale – dhe duke parë dashurinë e madhe për Albinin, i cili ka hyrë thellë në zemrat e popullit, e sidomos kur pashë gratë në sallën “1 Tetori” në Prishtinë, m’kaploi frika se, kur të shkoj te kutia e votimit, do të më dridhet dora dhe, (pa dashur, se nuk dua), do të votoj Albinin, Donikën, Albulenën, Hekuranin, Sveçlën dhe të tjerët që vijnë pas tyre!
– Më falni për këtë “gabim t’madh” dhe mos u ngutni të më shani, se pasha Krishtin nuk mund të jem dele e zezë mes mijëra të bardhave!
Nuk mund të ndahem nga tufa, se delja që ndahet e ha ujku!
Zot i madh, çka po ndodhë me mua, a mos ka hyrë shejtani brenda meje që zemra po më thotë:
– Albini, edhe i keq, është më i mirë se ata!
– Edhe i vdekur, është më i gjallë se ata!
– Edhe pse s’ka luftuar, është më atdhetar se ata!
Ishalla hoxha m’i fal mëkatet për shejtanin që më flet në vesh, se për priftin s’kam dert që më shan!
