Deputeti i Republikës së Maqedonisë së Veriut, Adnan Azizi, ka theksuar se Albin Kurti, Kryeministër i Kosovës, ka realizuar atë që shteti shqiptarë nuk e ka bërë, duke mbështetur gjithmonë shqiptarët e Maqedonisë dhe rajonit, edhe në kohën kur ishte në opozitë.
Sipas Azizit, Kurti ka përkrahur kauzën politike të shqiptarëve dhe ka kontribuar në forcimin e lidhjeve mes shqiptarëve të Ballkanit. Ai e cilësoi projektin e përbashkët, Rruga Tetovë – Prizren, si një dëshmi të angazhimit të Kurtit për integrimin dhe bashkëpunimin mes shqiptarëve, si në nivelin kulturor, ekonomik, por edhe politik.
Azizi theksoi se mbështetja për Albin Kurtin është një mbështetje për një shqiptarësi më të fortë dhe të bashkuar, duke theksuar se shqiptarët duhet të bashkëpunojnë dhe mbështeten përtej kufijve dhe ndarjeve partiake./ora24.tv
