Mësohet gjendja shëndetësore e të plagosurve në Tetovë, të dy janë nën kujdes intenziv, njëri është në gjendje më të rëndë

Ministri i Shëndetësisë, Fatmir Mexhiti thotë se të shtënat që ndodhën dje vonë pasdite para klinikës së Tetovës kanë qenë për shkak të çështjeve të pazgjidhura dhe në spital kanë ndodhur rastësisht. Dy të lënduarit, sipas informacioneve që ka marrë nga drejtori i spitalit të Tetovës, janë transferuar në klinikat e Shkupit shkruan Pa Censurë.

Të dy janë transferuar në Shkup. Njëri është në gjendje më të lehtë, tjetri në gjendje më të rëndë. Ata janë transferuar në KARIL, ndërsa rrethana tjerat do të zbardhen nga Ministria e Punëve të Brendshme”, kanthënë Mexhiti.

SPB Tetovë dje ka njoftuar se rreth orës 18:05 është raportuar të shtëna para hyrjes së Qendrës Urgjente në Spitalin Klinik të Tetovës, gjatë së cilës dy persona nga fshati Gajre i Tetovës kanë pësuar lëndime me armë zjarri.