Gjatë intervistës në lajmet në Alsat, ministri i Vetëqeverisjes Lokale, Zllatko Perinski, deklaroi se kryetarja e qëQytetit të Shkupit, Danella Arsovska, duke dashur të viktimizohet vet, viktimizoi edhe qytetarët.
“Nuk do të thosha se është parakusht që të gjithë t’i përkasim të njëjtit grup politik që sistemi të funksionojë. Me kalimin e viteve është vërtetuar se nuk është kështu. Tani kemi një shfaqje për viktimizim. Arsovska duke dashur të jetë viktimë, na bëri viktima. Edhe kjo nuk e prek, nuk ndjen asnjë grimcë përgjegjësie, për çfarë komunikimi mund të flasësh me një person që nuk pranon të komunikojë me të gjithë, as me anëtarët e këshillit, as me administratën, as me mediat. Kjo i thotë të gjitha. Prej më shumë se 24 muajsh ajo nuk është paraqitur në asnjë seancë, e si dëshironi të ketë bashkëpunimin me grupet e këshilltarëve. Duhet të tregojmë një vizion të gjerë, para së gjithash për hir të qytetarëve”, tha mes tjerash ministri, Zllatko Perinski.
