Presidenti ultra-nacionalist i Republikës Srpska – entiteti serb në Bosnje e Hercegovinë – Millorad Dodik, ka njoftuar të enjten se deri në fund të muajit do t’u dërgojë një marrëveshje për shkëputje të RS-së nga BeH udhëheqësve të Federatës së Bosnje e Hercegovinës.
Ky njoftim i Dodik-ut vjen pak ditë pasi që shtetet perëndimore, posaçërisht Shtetet e Bashkuara të Amerikës (ShBA), kundërshtuan ashpër dhe paralajmëruan për pasoja të rënda për këtë veprim.
Por, përkundër kësaj, presidenti autoritar i RS-së nuk heq dorë nga ideja e tij.
“Ne do të jemi në organet e BeH, por do të marrim vendime vetëm në interesin tonë. E meqë atje nuk ka vendime në interesin tonë, vështirë se do të marrim vendime”, tha Dodik, transmeton media boshnjake “Oslobodenja”.
