Nëse shikojmë të dhënat e fundit të publikuara nga Bursa, pjesëmarrja e grave në strukturat drejtuese, në shoqëritë e listuara në vitin 2023 është rreth 23 për qind , që është një numër relativisht i vogël”, thekson guvernatorja.
Ngushtimi i hendekut midis përqindjes së burrave dhe grave në punë është një nga reformat më të rëndësishme që politikëbërësit mund të zbatojnë për të ringjallur ekonomitë e tyre në një kohë kur perspektivat e rritjes afatmesme janë më të dobëtat në më shumë se 30 vjet. Me ekonominë globale që pritet të rritet me vetëm 3 për qind gjatë pesë viteve të ardhshme, shumë vende po humbasin mundësinë për të shfrytëzuar potencialin dhe aftësitë e grave. Në tregun e sotëm të punës vetëm 47 për qind e femrave janë aktive (domethënë flasim për punë me pagesë) krahasuar me 72 për qind të meshkujve. Hendeku mesatar global është ngushtuar me vetëm 1 për qind në vit gjatë 30 viteve të fundit.
Ne vlerësojmë se ekonomitë në zhvillim dhe ato në zhvillim mund të rrisin PBB-në e tyre me rreth 8 për qind në vitet e ardhshme, duke rritur pjesëmarrjen e grave në 5.9 për qind. Kjo është shuma mesatare me të cilën 5 për qind e vendeve më të pasura ngushtuan hendekun e pjesëmarrjes gjinore midis 2014 dhe 2019.
Politikbërësit sigurisht që mund ta shtyjnë rritjen në mënyra të ndryshme, nga ndryshimet e qeverisjes për të forcuar institucionet e deri te reformat ekonomike për të zhbllokuar kapitalin investues.
Megjithatë, hendeku gjinor nuk do të mbyllet pa politika të reja, siç tregon hulumtimi ynë.
Vendet duhet të shtojnë përpjekjet e tyre për të hequr barrierat për pjesëmarrjen e grave në tregun e punës, të tilla si aksesi i kufizuar në arsim, shëndetësi, financa, tokë, të drejtat ligjore dhe shërbimet e kujdesit, thekson Antoinette M. Sayer Zëvendës Drejtoreshë e Fondit Ndërkombëtar Monetar.
Bile sipas shifrave të publikuara nga Standard & Poor (S&P) në Takimin Vjetor të Forumit Ekonomik Botëror në Davos në fillim të këtij viti, nëse shkalla e pjesëmarrjes së grave në fuqinë punëtore do të ishte e barabartë me normën e pjesëmarrjes së meshkujve, ekonomia amerikane do të ishte 8.7 për qind më e madhe sesa ajo e sotmja, ekonomia franceze do të ishte 17 për qind më e madhe dhe ekonomia japoneze do të ishte 14 për qind më e madhe. Ekonomistët tani thonë se në SHBA, rritja e barazisë gjinore do të çonte gjithashtu në fitime më të mëdha në tregjet financiare. Në SHBA, efekti i barazisë më të madhe mund të nxisë një zgjerim prej 3.6 për qind.
