Bankat kanë marrë mbi 70.15 përqind të emetimit të ri të obligacioneve qeveritare me vlerë 762.66 milionë denarë, të cilat janë listuar në Bursën e Maqedonisë që nga 16 nëntori. Obligacionet kanë një interes vjetor fiks prej 4.6 përqind, ndërsa shteti duhet t’i shlyejë ato pas dy vitesh, tonë të dhënat nga Ministria e Financave në RMV.
Në ankandin e mbajtur më 10 nëntor, u realizuan 62.66 milionë denarë, më shumë se 700 milionë denarë të planifikuar fillimisht në prospekt. Sipas raportit përfundimtar, oferta, kërkesa dhe realizimi arritën në 762.66 milionë denarë secila.
29.85 përqind e mbetur e emetimit shkoi te investitorët që Ministria i regjistron si “klientë”. Raporti rendit strukturën e pronësisë si “Banka: 70.15%” dhe “Klientë: 29.85%”, pa dhënë detaje të mëtejshme se sa nga klientët janë qytetarë dhe sa janë kompani ose investitorë të tjerë.
Emetimi përfshin një total prej 76,266 obligacionesh, secila me një vlerë nominale prej 10.000 denarë. Norma fikse e interesit prej 4.6 përqind do të thotë një kupon vjetor prej 460 denarë për obligacion, ose një total prej 920 denarë interes për periudhën dyvjeçare, të llogaritur sipas vlerës nominale.
Obligacionet u emetuan më 12 nëntor të këtij viti dhe maturohen më 12 nëntor 2028. Pagesa e parë e interesit është planifikuar për 12 nëntor 2027, ndërsa e dyta do të vijë një vit më vonë, së bashku me shlyerjen e principalit. Emetimi është në denarë, pa klauzolë këmbimi valutor.








