“Mund të flasim për një kataklizëm në buxhet, për falimentim sepse situata është vërtet alarmante. Kemi ardhur në një situatë prej 1% rritje të BPV-së ndërsa ata mburren se janë kujdesur për investime në vazhdimësi, se investimet po rriten”, kështu deklaron nënkryetarja e VMRO-DPMNE-së, Gordana Dimitrieska Koçoska për “360 gradë” në MTV.
Dimitrieska Koçoska theksoi se nëse i shikojmë të dhënat kemi 62.1% borxh publik dhe tashmë e ka tejkaluar shumën e lejuar, sipas rregullave fiskale në Ligjin për Buxhetin, ku thuhet se niveli i borxhit publik lejohet të shkojë deri në 60% e BPV-së, dhe tani jemi 62.1%. 3% do të jetë deficiti buxhetor dhe kjo tregon se situata është alarmante.
“Ata kanë shpenzuar mbi 700 milionë euro të cilat nuk kanë dhënë asnjë rezultat, dhe me këtë nënkuptoj shpenzimet kapitale. Pyetja është se për çfarë janë shpenzuar paratë. Nëse ato do të shpenzoheshin posaçërisht për investime kapitale, BPV-ja nuk do të ishte 1%, por më e lartë. Realiteti është se një pjesë shumë e vogël e këtyre mjeteve shkoi për investime kapitale, të gjitha të tjerat janë transferta të ndryshme që u jepen kompanive. Në 3 vitet e fundit janë dhënë 360 milionë euro transferta në ESM dhe me ato para do të kishin ndërtuar një termocentral të madh. Këto janë para për të mbuluar krimet dhe korrupsionin, jo për të subvencionuar energjinë elektrike. Krimi dhe korrupsioni hëngrën paratë. Ato kanë ardhur në atë pikë ku nuk mund të paguhen pagat”, theksoi Dimitrievska Koçoska.
Ajo theksoi se nuk ka arsyetime se ka pasur krizë sepse më herët gjatë qeverisjes së VMRO-DPMNE-së gjatë krizave të vitit 2009 dhe 2012 që ishin kriza të mëdha financiare, atëherë ne ishim lider në ballafaqimin me krizën në vendet e Ballkanit Perëndimor. Ndërsa tani jemi të fundit.
“236 milionë euro janë paradhënie për korridoret 8 dhe 10, para për punë që as nuk kanë nisur. Nëse ato para do të përdoreshin për diçka që do të bëhej në të vërtetë, do të kishte një rritje më të lartë të BPV-së. Le të kthehemi në vitin 2020 dhe të mos harrojmë që nuk ka pasur fare masa shtrënguese, unë kam qenë në qeverinë teknike në 2020 kur nuk bënin kunjes për asnjë shpenzim. Një numër i madh kompanive u mbyllën dhe nuk u bë asgjë për të ulur shpenzimet por silleshin sikur nuk kishte krizë. Revizioni i Shtetit ka pasur një sërë vëzhgimesh se si janë shpenzuar paratë dhe u tha se paratë u janë dhënë kompanive që nuk kanë pasur kontroll se si i kanë shpenzuar dhe se duhet të kthehen. Paratë iu dhanë kompanive që nuk plotësonin kriteret dhe kushtet. Gjithçka është shpenzuar pa usull”, theksoi Dimitrieska Koçoska.
