Ndërtimi i segmentit autostradal Bukojçan–Kërçovë nis zyrtarisht sot, më 12 tetor, duke shënuar një hap të ri në përmirësimin e infrastrukturës rrugore në pjesën perëndimore të vendit, raporton Biznis Vesti.
Në ceremoninë e hapjes së punimeve marrin pjesë kryeministri Hristijan Mickoski, zëvendëskryeministri dhe ministri i Transportit Aleksandar Nikoloski, si dhe drejtori i Ndërmarrjes Publike për Rrugët Shtetërore, Koce Trajanovski.
Segmenti i ri synon të lehtësojë qarkullimin e udhëtarëve dhe transportin e mallrave, duke krijuar kushte më të mira për lëvizjen e përditshme dhe zhvillimin e ekonomisë lokale.
Me përfundimin e autostradës pritet të shkurtohet koha e udhëtimit në këtë aks dhe të rritet siguria në trafik. Autoritetet kanë paralajmëruar se punimet do të ecin sipas dinamikës së parashikuar.
