Të premten, vendi do të vijojë të ndikohet nga masa ajrore relativisht të paqëndrueshme. Gjatë ditës do të ketë alternime mes kthjellimeve dhe vranësirave, të cilat pritet të zhvillohen më shumë rreth mesditës.
Në relievet malore të lindjes dhe juglindjes parashikohen reshje shiu me intensitet të ulët dhe karakter lokal.
Era do të fryjë kryesisht nga kuadrati i jugut, me shpejtësi mesatare 7 m/s. Në bregdet dhe në zonat luginore, ajo mund të arrijë deri në 10 m/s.
