LSDM ka reaguar lidhur me situatën epidemiologjike në Shkup dhe masat e ndërmarra për parandalimin e përhapjes së virusit të Nilit Perëndimor.
Sipas partisë, deri më 18 gusht janë regjistruar 38 raste të infektimit dhe katër persona kanë humbur jetën, ndërsa 37 nga rastet janë në rajonin e Shkupit. Të ndjerët janë burra nga Shkupi, të moshës 62 deri në 83 vjeç.
LSDM kërkon më shumë informacione për efektivitetin e trajtimeve kundër mushkonjave, lokacionet ku janë zbatuar masat dhe gjendjen në zonat që mund të paraqesin rrezik për përhapjen e virusit.
Partia opozitare kërkon gjithashtu sqarime për masat parandaluese dhe informimin e qytetarëve, veçanërisht të kategorive më të rrezikuara.
Në reagim, LSDM thekson se është e nevojshme që institucionet kompetente të publikojnë të dhëna për rezultatet e masave të ndërmarra dhe të sqarojnë nëse ka ende zona që kërkojnë trajtime shtesë.
LSDM gjithashtu kërkon nga kryetari i Qytetit të Shkupit, Orce Gjorgjievski, përgjigje lidhur me masat e ndërmarra në territorin e qytetit dhe koordinimin me institucionet shëndetësore.
