Një aksident i rëndë komunikacioni ka ndodhur gjatë orëve të mbrëmjes në autostradën Tetovë-Shkup, saktësisht në afërsi të fshatit Llaskarcë shkruan Pa Censurë.
Sipas informacioneve të para nga vendi i ngjarjes, një veturë ka humbur kontrollin dhe ka dalë jashtë rrugës, duke përfunduar poshtë mbikalimit të autostradës. Si pasojë e këtij aksidenti raportohet për persona të lënduar, ndërsa në vendngjarje janë mbledhur banorë të zonës dhe kalimtarë të rastit për t’u dalë në ndihmë të aksidentuarve.
