Kryeministri izraelit, Benjamin Netanyahu, ka thënë në një videodeklaratë të hënën se Forcat Mbrojtëse të Izraelit (IDF) do të mbeten në Libanin jugor me “liri të plotë veprimi për të penguar çdo kërcënim të drejtpërdrejtë ose të ri për ta ose për banorët e veriut”.
Netanyahu ka thënë se IDF-ja “nuk ka kufizime në këtë drejtim”.
Netanyahu i ka bërë komentet ndërsa armëpushimi i rinovuar në Liban duket se po zbatohet, dhe ndërsa ushtria izraelite ka thënë se do të hiqte kufizimet e lëvizjes për banorët pranë kufirit Izrael-Liban të hënën.
Zëvendëspresidenti i SHBA-së JD Vance, ka thënë të hënën se bisedimet e paqes me Iranin në Zvicër krijuan një “bazë të mirë për një marrëveshje përfundimtare të suksesshme” për t’i dhënë fund luftës së Iranit që filloi në fund të shkurtit.
Komentet e Vance erdhën pasi ai dhe kryetari i parlamentit të Iranit, Mohammad Bagher Ghalibaf, përfunduan një rund të gjatë bisedimesh fillestare që synojnë forcimin e një fundi të përhershëm të luftës midis vendeve.
Irani ka këmbëngulur që së pari të adresojë luftimet në Liban. As Izraeli dhe as Hezbollahu nuk janë nënshkrues të marrëveshjes SHBA-Iran.
