Lidhja e Sindikatave të Maqedonisë ka njoftuar se vlera e shportës sindikale minimale për muajin maj 2026 në Maqedoninë e Veriut arrin 68.743,00 denarë (1115 euro), duke shënuar një ulje të lehtë prej 54 denarësh krahasuar me muajin prill, kur ishte 68.797,00 denarë.
Sipas të dhënave të publikuara, struktura e shpenzimeve mujore për një familje përfshin pjesën më të madhe për ushqim dhe pije (25.475 denarë ose 37,1%), më pas për banim, ujë, energji elektrike dhe ngrohje (6.338 denarë), si dhe për veshmbathje dhe këpucë (6.334 denarë).
