Kryeministri i Kosovës, Albin Kurti, është pritur në Londër nga Sekretarja për Punë të Jashtme e Mbretërisë së Bashkuar, Yvette Cooper, në kuadër të vizitës së tij zyrtare.
Gjatë takimit, Kurti shprehu mirënjohje për mbështetjen e vazhdueshme të Mbretëria e Bashkuar ndaj Kosovës, duke theksuar se marrëdhëniet mes dy vendeve mbeten të forta dhe të qëndrueshme, të bazuara në vlera demokratike dhe bashkëpunim për sigurinë dhe prosperitetin evropian.
Ai e cilësoi Mbretërinë e Bashkuar si partner kyç strategjik dhe u zotua për thellimin e bashkëpunimit, duke veçuar zhvillimin ekonomik, rritjen e buxhetit dhe investimet në sektorë si teknologjia dhe bujqësia.
Në fushën e sigurisë dhe mbrojtjes, Kurti theksoi rëndësinë e ushtrimeve të përbashkëta dhe bashkëpunimit për trajnime, përfshirë mbështetjen për Ukraina.
Ai vuri në pah edhe zhvillimet demokratike në vend, duke përmendur zbatimin e Ligjit për të Huajt, ndërsa ritheksoi synimet strategjike të Kosovës për anëtarësim në NATO dhe në Bashkimi Evropian.
