Në kuadër të dialogut strategjik me Shtetet e Bashkuara të Amerikës, Maqedonia e Veriut do të marrë ndihmë teknike dhe financiare për përforcimin e sigurisë kibernetike dhe strukturës digjitale.
Sipas Ministrisë së Transformimit Digjital në kuadër të ndihmës teknike do të bëhen vlerësime gjithëpërfshirëse të sigurisë kibernetike të strukturës kritike dhe rrjeteve të tjera të rëndësishme, me qëllim identifikimin e mangësive, rekomandime dhe masa konkrete për mënjanimin e tyre, ndihmë gjatë marrjes së vendimeve për zgjidhje bashkëkohore dhe të besueshme.
Ndërkohë ndihma financiare në vlerë prej 5 milionë dollarë do të jetë për zhvillimin e kapaciteteve kibernetike dhe rritjen e infrastrukturës mbrojtje.
