Shkup, 18 mars 2026 – Në Amfiteatrin e Klinikave Interne, sot u mbajt një ngjarje solemne me rastin e pranimit të rreth 30 veprave artistike të dhuruara për Klinikën e Gastroenterohepatologjisë, si dhe ndarja e mirënjohjeve për artistët donatorë.
Veprat janë realizuar nga artistë të njohur dhe të rinj, të cilët përmes kreativitetit dhe humanizmit të tyre kontribuan në zbukurimin e hapësirave spitalore, duke krijuar një ambient më të ngrohtë dhe frymëzues për pacientët dhe stafin mjekësor.
Kjo iniciativë përfaqëson një shembull domethënës të përgjegjësisë shoqërore dhe solidaritetit, ku arti merr një dimension të veçantë human, duke ndikuar pozitivisht në përditshmërinë e institucioneve shëndetësore.
Gjatë ceremonisë, Klinika shprehu falënderim të sinqertë për të gjithë artistët që kontribuan në mënyrë vullnetare. Ndër emrat që dhuruan veprat e tyre janë: Dancho Ordev, Goce Bozhurski, Igor Mishev, Tome Mishev, Dejan Ivanov Margush, Stefan Hadzi-Nikolov, Boro Arsovski, Marjan Stojanoski, m-r Emilija Tocinovska, d-r Stojce Tocinovski, Goran Boev, Pavle Kuzmanoski, Nevzat Kica, Reshat Ameti, Vladimir Temkov, Burhan Ahmeti, Shoqata për Art dhe Kulturë “SILINDART” nga Gostivari, Akime Nasufi Rexhepi, Drenusha Pasholli, Vanessa Oda, Lida Sharafatmand, Vladimir Lazoski, Tasim Kadrija, Ardian Kadrija, Imran Zimeri, Gjoko Antoniev dhe Dejan Bozhinovski Koska.
Organizatori i ngjarjes, Sabri Aziri, falënderoi të gjithë pjesëmarrësit dhe mbështetësit, duke theksuar se iniciativa të tilla kanë rëndësi të veçantë për forcimin e humanizmit dhe bashkëpunimit në shoqëri.
Arti në shërbim të shëndetit: 30 vepra zbukurojnë Klinikën e Gastroenterohepatologjisë në Shkup
