Kryetari i Kuvendit të Maqedonisë së Veriut, Afrim Gashi, organizoi një iftar me rastin e muajit të shenjtë të Ramazanit, ku morën pjesë mysafirë dhe personalitete të ndryshme.
Gashi theksoi se muaji i Ramazanit është një periudhë që i fton njerëzit për reflektim, për t’u afruar më shumë me njëri-tjetrin dhe për të forcuar ndjenjën e solidaritetit në shoqëri.
Ai falënderoi të gjithë të pranishmit që iu përgjigjën ftesës, duke shtuar se prania e tyre e bëri këtë iftar edhe më të veçantë.
“Uroj që kjo mbrëmje të na bashkojë në frymën e respektit, paqes dhe vlerave që na mëson Ramazani”, theksoi Gashi.
Në iftar u theksua rëndësia e bashkëjetesës, respektit dhe mirëkuptimit mes qytetarëve gjatë muajit të shenjtë të Ramazanit.
