Bashkëpunimi i ngushtë ndërmjet dy drejtorive sjell përfitime konkrete për ekonomitë e të dy vendeve, me fokus në rritjen e sigurisë dhe përshpejtimin e qarkullimit të mallrave tha Dauti.
Prioritetet e përbashkëta përfshijnë zgjerimin e korridoreve të gjelbra në të gjitha pikat kufitare, shkëmbimin e praktikave më të mira, forcimin e kontrolleve dhe hetimeve, si dhe rritjen e shkëmbimit të të dhënave në kohë reale.
Mes tjerash Dauti theksoi se bashkëpunimi është i orientuar drejt modernizimit, digjitalizimit dhe harmonizimit me standardet e Bashkimit Evropian, duke kontribuar drejtpërdrejt në lehtësimin e tregtisë dhe përshpejtimin e integrimit në tregun e vetëm të BE-së.
