Izraeli autorizoi të hënën rihapjen e pjesshme të pikës kufitare Rafah midis Gazës dhe Egjiptit, pas gati dy vitesh mbylljeje.
Sipas zyrtarëve izraelitë të sigurisë, vetëm një numër i vogël palestinezësh do të mund të largohen nga enklava e shkatërruar nga lufta, ndërsa edhe më pak do të lejohen të kthehen.
Bashkimi Evropian po operon kalimin kufitar si pjesë e fazës së parë të marrëveshjes së armëpushimit, e ndërmjetësuar nga SHBA-të në mes të tetorit. Gjatë ditëve të para, vetëm 50 persona në ditë do të lejohen të kalojnë në të dyja drejtimet.
Kalimi kufitar ka qenë kryesisht i mbyllur që nga pushtimi i Gazës nga Izraeli në maj 2024 dhe hapja e tij i është nënshtruar përgatitjeve të koordinuara mes BE-së, Egjiptit dhe palëve të tjera. Çmimet e larta dhe procedurat e gjata burokratike bëjnë që shumë palestinezë të mos kenë mundësi reale të largohen.
