Bashkimi Demokratik për Integrim ka reaguar ndaj deklaratave të deputetes Dafina Stojanovska, duke i cilësuar ato si të pasakta dhe të motivuara nga sensacionalizmi, e jo nga faktet politike.
Reagimi i plotë:
Deklarata e deputetes Dafina Stojanovska duket më shumë si një përzierje kujtimesh sesa si një fakt politik.
Në gjithë atë lëvizje mes dhjetra banesave që ajo i posedon duket se është ngatërruar se kush ka qenë me kë dhe ku.
Një gjë është e sigurt: Ali Ahmeti nuk ka pasur asnjë takim me të, as dhe nuk ka pasur kurrë oferta për hyrje në Qeveri apo pazare politike. Çdo gjë tjetër është përpjekje për sensacion, jo për të vërtetën.
