Shtatë persona kanë humbur jetën dhe 11 të tjerë janë plagosur në një aksident trafiku ku një autobus pasagjerësh u përplas me një kamion në lagjen Bahçe, në autostradën Tarsus–Adana–Gaziantep, në qytetin turk Osmaniye. Autobusi, i cili udhëtonte nga Izmiri drejt Gaziantepit, u përplas në pjesën e pasme të kamionit pasi kamionit i kishte shpërthyer goma dhe ishte ndalur në rrugë, njofton Anadolu.
Autobusi drejtohej nga A.A. (42), ndërsa kamioni nga H.K. (52). Aksidenti ka ndodhur rreth orës 05:00 në autostradën Adana–Gaziantep, pranë tunelit Ajran, në lagjen Bahçe.
