Këshilli Evropian sërish do t’i bëjë thirrje Maqedonisë së Veriut në samitin e fundvitit që të përmbushë detyrimin e saj dhe të bëjë ndryshime kushtetuese, në mënyrë që të zhbllokohen aspiratat dhe ta hapen bisedimet për grup-klasterët.
Në draft-konkluzat në të cilat ka pasur qasje Radio Evropa e Lirë, thuhet se Këshilli mirëpret angazhimin e vendit ndaj integrimit evropian dhe e inkurajon në intensifikikimin e përpjekjeve për të avancuar reformat.
“Këshilli vëren se Maqedonia e Veriut akoma nuk i ka mbaruar ndryshimet kushtetuese për të cilat ka marrë obligim. Këshilli e vërteton gadishmërinë e tij për ta mbledhur konferencën ndërkomëbtare edhe njëherë, pa prolongime të mëtutjeshme ose vendime politike shtesë, pasi që Maqedonia e Veriut ta impelementon detyrimin, në harmoni me procedurat e brendshme.”
Sipas dokumentit, vendi duhet të fokusohet në veçanti në avancimin demokratik të fushës së sundimit të ligjit, ku Komisioni Evropian arriti në përfundimin se nuk është bërë asnjë përparim gjatë vitit të kaluar, shkruan dokumenti në fjalë.
Presin edhe veprimet qeveritare mbi Kodiin e ri Penal, ku sipas KE-së është paralajmëruar disa herë nga qeveria se do të miratohet dhe t’i paraqitet parlamentit deri në fund të vitit.
“Maqedonia e Veriut duhet të mbrojë pavarësinë dhe integritetin e gjyqësorit… Këshilli i bën thirrje Maqedonisë së Veriut që të miratojë Kod të ri Penal në harmoni me legjislacionin e Bashkimit Evropian dhe standartet ndërkombëtare.”
Këshilli pritet të përshëndesë përafrimin e vendit me BE-në në çështjet e politikës së jashtme dhe sanksioneve dhe bashkëpunimin në menaxhimin e kufijve.
Shtetet anëtare të Unionit pritet t’i miratojnë unanimisht draft -përfundimet më 16 dhjetor në Bruksel. Ato bazohen në raportet e Komisionit Evropian të publikuara më herët në nëntor mbi progresin e vendeve.
