Mjekët paralajmërojnë epidemi të re të fruthit në Maqedoni. Sipas tyre, arsyeja për këtë është mbulimi i ulët i vaksinimit në popullatën e re me vaksinën MRI, pra vaksinimi kundër fruthit, rubeolës dhe parotit, apo shytave, për të cilat mbulimi për dozën e parë është 72%, dhe për të dytën 78%.
“Mjafton që një rast me frutha të hyjë në Maqedoni dhe ne të kemi një epidemi. Deri më tani nuk kemi asnjë rast të fruthit, por nëse hyn një, do të kemi epidemi. Kishim pertussis për gati një vit, për shkak të mbulimit të ulët. Ne filluam vaksinën HPV nga viti i kaluar që djemtë të vaksinohen, për ta rritur mbulimin dhe për të mbrojtur popullsinë, por edhe këtu kemi problem edhe pse e dimë se është një vaksinë që parandalon kancerin”, tha Katerina Stavriq-pediatre.
Mjekët thonë se shteti duhet të mendojë prë vaksinimin në terren.
“Eziston ende frika e panevojshme e prindërve, të cilët e lidhin këtë vaksinë me autizmin. Mjekët e përgjithshëm, pediatër dhe personeli tjetër shëndetësor gjithashtu kanë një ndikim shumë të madh, duke këshilluar prindërit që ta çojnë fëmijën për këtë vaksinë pasi ai të ketë folur dhe pasi fëmija të ketë ecur. Nuk ka asnjë provë shkencore për lidhjen e vaksinës MRP me autizmin”, tha Jovanka Strulakova Koroveshoska – Epidemiologe – Qendra për Shëndetin Publik -Ohër.
Mjekët thonë se për shkak të shkallës ende të ulët të vaksinimit, veçanërisht në popullatën më të re, po kthehen disa nga sëmundjet e vjetra që ishin karakteristike para më shumë se 60 vitesh, si kolla e madhe dhe fruthi. Ata thonë se ende po luftojnë dezinformimin, me konsultimet që prindërit i bëjnë me njëri-tjetrin në rrjetet sociale, si dhe fushatat kundër vaksinimit./Alsat.mk
