Gostivar, 25 tetor – Sonte, kryetari i PDSH-së, Menduh Thaçi, zhvilloi një bashkëbisedim me strukturat e degës së Gostivarit, ku diskutuan çështje të rëndësishme politike dhe përgatitjet për zgjedhjet lokale që do të zhvillohen më 2 nëntor në raundin e dytë.
Gjatë takimit, kryetari Thaçi vuri theksin mbi nevojën për unitet, angazhim dhe bashkëpunim në terren, duke siguruar se struktura lokale e PDSH-së do të punojë për të mobilizuar qytetarët dhe për të përforcuar ndikimin e partisë në komunë. Ai inkurajoi pjesëmarrësit të jenë aktivë dhe të përkushtuar ndaj vizionit të partisë, duke adresuar në mënyrë të drejtë dhe efikase nevojat e komunitetit shqiptar në Gostivar.
Takimi përfundoi me një frymë bashkëpunimi dhe gatishmërie për sfidat që sjell raundi i dytë i zgjedhjeve, ndërsa anëtarët e degës shprehën mbështetjen e tyre të plotë për udhëheqjen e kryetarit Thaçi.
