Aksidenti u raportua rreth orës 14:00, kur një motor u përplas me një veturë. Për pasojë, Eldioni ndërroi jetë në vendngjarje, ndërsa një tjetër person, banor i zonës me iniciale K.B., mbeti i plagosur rëndë dhe po trajtohet në spitalin e Pejës. Hetimet për zbardhjen e plotë të rrethanave janë ende në vijim.
Rreth 20 orë para tragjedisë, motra e tij, Blerina Kelmendi, kishte publikuar disa fotografi në rrjetet sociale, mes tyre edhe një me vëllain e ndjerë, shoqëruar me dy emoji engjëjsh – një detaj që ka prekur ndjekësit dhe ka marrë shumë reagime të trishtueshme.
Eldion Kelmendi ishte pjesë e disa prej momenteve më të rëndësishme në jetën e Gjestit, duke u shfaqur edhe gjatë surprizës së familjes në shtëpinë e Big Brother VIP Albania, ku e mbështeti publikisht.
Ende nuk ka pasur një reagim nga vetë reperi, i cili shpesh ka folur për lidhjen e ngushtë dhe të veçantë me vëllain e tij./TAR
