Shkup, 24.09.2025 – Operatori i sistemit distributiv – Elektrodistribucioni, gjatë gjashtë muajve të parë të vitit e ka përqendruar fokusin e tij kryesor në transformimin dixhital dhe modernizimin e rrjetit distributiv. Vetëm në gjysmën e parë të vitit 2025, kompania investoi 30 milionë euro në projekte në nivel të tensionit të lartë, mesëm dhe të ulët.
Përmes këtyre investimeve, Elektrodistribucioni siguron zhvillim të qëndrueshëm të rrjetit distributiv dhe reduktim të humbjeve, duke ndjekur nevojat e përdoruesve, duke garantuar përgatitje teknike dhe profesionale adekuate, lidhje të shpejtë dhe efikase të përdoruesve të rinj në rrjet dhe shërbim cilësor për ata ekzistues.
Investimet e vazhdueshme kontribuojnë në uljen e humbjeve teknike, duke rritur nivelin e efikasitetit të tërë sistemit.
Përkushtimi i Elektrodistribucionit në krijimin e një rrjeti distributiv modern dhe efikas është me rëndësi të veçantë. Kjo mundëson furnizim të sigurt dhe të pandërprerë për përdoruesit dhe përbën një bazë për zhvillimin ekonomik të ardhshëm të vendit.
