Në një takim të zhvilluar me bashkatdhetarët struganë në Zvicër, kandidati për kryetar të komunës së Strugës, Mendi Qyra, theksoi se diaspora është zemra që rreh fort për vendlindjen. Ai u shpreh se: “ku ka struganë, aty ka edhe dashuri e përkushtim për vendlindjen.”
Qyra përmendi se takimi i fundit “ishte dëshmi se, kudo që jemi, Struga na bashkon.” Ai shtoi: “Sot u ktheva në Strugë jo vetëm me mbështetje të madhe nga mërgata, por edhe me ide e propozime të vlefshme për Strugën që duam pas 19 tetorit.”
Gjithashtu, ai argumentoi se vlerat, energjia dhe kontributi i mërgatës përbëjnë një garanci për një të ardhme ndryshe dhe deklaroi se “vala e ndryshimit është e pandalshme.” StrugaLajm
