Ali Ahmeti kujton Nënë Terezën: Kujtojmë me nderim të thellë simbolin e humanizmit, dashurisë dhe paqes

Shkup, 26 gusht – Kryetari i BDI-së, Ali Ahmeti ka kujtuar 115-vjetorin e lindjes së Nënës Terezë.
“Sot, në 115-vjetorin e lindjes së Gonxhe Bojaxhiut – Nënë Terezës, kujtojmë me nderim të thellë simbolin e humanizmit, dashurisë dhe paqes.
Shqiptarja nga Shkupi i dhuroi botës vlerat më të çmuara të popullit të saj, dashurinë për njeriun, humanizmin dhe përkujdesjen për më të dobtit.
Emri i Nënë Terezës sot ndriçon në shumë kryeqytete të botës, në sheshe dhe universitete, ashtu si në Shkup ku Universiteti “Nënë Tereza”, qendra klinike universitare dhe arteria kryesore e korridorit 8 mbajnë me krenari emrin e saj.
Le të jetë vepra e saj udhërrëfyes për të gjithë ne, për të dashur më shumë, për të ndihmuar më shumë dhe për të ndërtuar një shoqëri me më shumë mirësi”, shkruan Ahmeti.