Shkup, 4 gusht – Zëvendëskryeministri i parë shqiptar dhe kandidati për kryetar të Komunës së Çairit, Izet Mexhiti, ka zhvilluar një vizitë në lagjen Gazi Babë, ku u prit në konakun e Haxhi Zejnulla Imerit, përcjell Zhurnal.mk.
Në këtë ambient që pasqyron vlerat e familjes dhe të komunitetit, Mexhiti u prit nga banorë të ndershëm dhe të përkushtuar, me të cilët zhvilloi një bisedë të sinqertë mbi sfidat dhe pritshmëritë e tyre ndaj politikës.
“Pritja ishte shumë miqësore, shprehje besimi dhe mbështetjeje. Për këtë, Gazi Babës i jam shumë mirënjohës,” deklaroi Mexhiti pas takimit.
Vizitat e tij në terren janë pjesë e përkushtimit për të dëgjuar drejtpërdrejt zërin e qytetarëve dhe për të ndërtuar politika që adresojnë nevojat e tyre reale.
